Espectáculo "Ma Solitud" en Teatro Rosalía de Castro - A Coruña
O novo espectáculo de GUILLEM ALBÀ é un regreso ás súas raíces: o seu característico universo visual. Esta vez a través dos monicreques e a comicidade de pequeno formato e dunha vibrante experiencia colectiva de proximidade. Vinte e cinco minutos de viaxe da comedia á poética, coas súas mans como punto de partida. Esta parte do corpo que nos devolve ao tanxible, cotián e artesanal, e que nos reconecta coa comunidade. Mans que crearon a maioría de cousas que utilizamos. Mans que desataron a beleza máis sublime e as máis terribles atrocidades. Mans que contan as historias que hai tanto tempo que nos unen. Reivindicalas para que non queden soas e esquecidas entre tanta tecla, pantalla e sobreinformación. Unha experiencia para lembrar a importancia do humano, sinxelo e compartido.
