Espectáculo “Tú y yo”, de DaTe Danza en Centro Ágora de A Coruña
Dous corpos que respiran todo o que os rodea. Dous corpos que aprecian o que non coñecen, dous corpos que xorden, crecen e descóbrense na súa tenra vida a través do xogo e da curiosidade.
"Tú y yo", e a danza... para eses miúdos corazóns amantes da vida.
"Tú y yo" latexa dentro deses lugares comúns ás persoas, que ao compartilos se volven presentes e nos fan mellores ao recoñecelos. "Tú y yo" nace coa condición de utilizar os límites que conviven coas persoas, e usalos como discurso para a creación do espectáculo.
Deseñado especialmente para a primeira infancia, este espectáculo ábrese a un mundo de posibilidades para bebés, nenos, nenas (de 6 meses en adiante) e familias.
