I Foro da Industria Galega do Audiovisual en Centro de Servicios Avanzados - Cidade das TIC - A Coruña
A Intelixencia Artificial está a ter un impacto revolucionario no sector audiovisual, transformando o xeito no que se crean, producen e consumen contidos. As sucesivas novas relativas a esta tecnoloxía axitan diariamente ao noso sector, pero, sabemos de que falamos cando falamos de Intelixencia Artificial aplicada ao Audiovisual?
A Academia Galega do Audiovisual quere abordar con profundidade este tema invitando a expertos que xa están utilizando esta tecnoloxía nas súas respectivas áreas profesionais, para que compartan connosco a súa experiencia desde o punto de vista da aplicación profesional directa.
Valoraremos os desafíos que supón esta nova tecnoloxía para o mundo da interpretación e a dobraxe, a escritura de guión, a composición musical, o deseño de son. Coñeceremos ferramentas aplicadas ao marketing, a distribución e o estudio de audiencias, sen deixar de lado as implicacións éticas e xurídicas do fenómeno.
Inauguramos a primeira edición do Foro da Industria Galega do Audiovisual, unha cita anual deseñada para fomentar o diálogo e o intercambio de experiencias entre os profesionais do sector audiovisual galego desde unha perspectiva aberta, transversal e inclusiva.
O Centro de Servizos Avanzados da Cidade das TIC da Coruña será a sede de FIGA do 9 ao 11 de novembro de 2023.
Jueves, 9 de novembro
- 10:15-11:30: Que facemos cando a calidade é abundante? Revelando a escaseza nunha paisaxe de abundante calidade. Con Asa Bailey.
- 13:00-14:00: A IA na produción audiovisual. Con Óscar Olarte.
- 16:30-18:00: Xuntanza asociacións do sector audiovisual
- 17:30-18:30: Encontro de salas do Ciclo Mestre Mateo
Venres, 10 de novembro
- 10:00-11:00: O copyright e a intelixencia artificial. Con Víctor Salgado
- 11:00-12:00: A IA en obras audiovisuais. Con Francisco Menéndez
- 12:30-14:00: Ética e tecnoloxía: un diálogo sobre a IA no mundo audiovisual. Con Amparo Alonso
- 16:30-18:00: Xuntanza asociacións do sector audiovisual
Sábado, 11 de novembro
- 10:00-11:00: A revolución da IA nas industrias creativas e dixitais. Con Carlos Fernández de Vigo
- 11:00-12:00: Sound design, creación e produción musical con IA. Con Gabriel Olarte
- 12:00-13:30: A IA e a arte da interpretación. Con David Guaita
