![A web Pipocas.](https://s1.elespanol.com/2022/12/14/quincemil/cultura/audiovisual/725938311_244794049_1024x576.jpg)
A web Pipocas.
A Mesa lanza ‘Pipocas’: A web para coñecer todas as series e películas que están en galego
"Dende hoxe as familias con crianzas xa teñen un lugar onde ver filmes de animación na nosa lingua", explican desde a plataforma
14 diciembre, 2022 11:05- A Terra Media fala galego: Así foi a dobraxe en Galicia da serie ‘Os aneis de poder’
- Pinocho de Guillermo del Toro, una de las películas del año, llega doblada al gallego a Netflix
A Mesa pola Normalización Lingüística lanzou este mércores unha gran iniciativa para gozar do audiovisual en galego. Pipocas é o nome do catálogo web onde se poden atopar todas as series e películas que están dispoñibles en galego en plataformas.
![](https://s1.elespanol.com/2022/12/14/quincemil/cultura/audiovisual/725938339_246219526_2560x1191.jpg)
A web é moi intuitiva para o usuario. Na súa portada podemos atopar distintas seccións como filmes e series dobrados ao galego ou contido para nenos. O entrar na ficha de cada obra podemos atopar información e a plataforma onde podemos atopala.
"Esta plataforma responde á demanda recibida pola entidade de defensa da lingua, especialmente dos pais e nais que descoñecen que filmes para as crianzas hai en galego nestas plataformas", explica o responsable de comunicación da Mesa, Carlos Vieito". "Dende hoxe as familias con crianzas xa teñen un lugar onde ver filmes de animación na nosa lingua", conclúe Vieito.